बुक बिल्डिङ्गको बोलकबोल दर्ता गर्न नेप्सेको आग्रह, के–के चाहिन्छ कागजात ?
काठमाडौं । नेपाल स्टक एक्सचेञ्ज (नेप्से)ले नेपाल धितोपत्र बोर्ड (सेबोन)बाट अनुमति पाएका योग्य संस्थागत लगानीकर्ताहरुलाई दर्ता हुन आउन आह्वान गरेको छ ।
नेप्सेले सूचना प्रकाशित गर्दै बुक बिल्डिङ्गमार्फत आइपीओको निष्काशन गर्न सम्बन्तिधत संस्थागत लगानीकर्ताहरुलाई बुक बिल्डिङ्ग निर्देशिका, २०७७ बमोजिम सिलबन्दी बोलकबोलमार्फत धितोपत्रका लागि आवेदन गर्न नेप्सेमा दर्ता गर्न आग्रह गरेको हो ।
नेप्सेले असार २ गते सार्वजनिक सूचना प्रकाशित गर्दै १० दिनभित्र नेप्सेमा दर्ता हुन आउनको लागि आग्रह गरेकोमा असार १४ गते दोस्रो पटक सूचना प्रकाशित गर्दै दर्ता गर्न आग्रह गरेको हो ।
हालसम्म सेबोनले एक सय संस्थालाई योग्य संस्थागत लगानीकर्ताको अनुमति दिएको छ । उक्त संस्थाहरुले बुक बिल्डिङ्गमार्फत धितोपत्र निष्काशन गर्नका लागि नेप्सेले तोकेबमोजिको कागजातहरु सहित दर्ता गर्नुपर्नेछ ।
