प्राइम बैंकले संस्थापक शेयर विक्री गर्ने
काठमाडौं । प्राइम कमर्सियल बैंक लिमिटेडले संस्थापक शेयर विक्री गर्ने भएको छ ।
कम्पनीको जेठ १० गते, असार १६ गते र असार २२ गते बसेको संचालक समितिको बैठकको निर्णय अनुसार संस्थापक शेयर विक्री गर्ने भएको हो । उक्त बैंकले सोमवार एक सूचना जारी गर्दै ३५ दिनभित्र विद्यमान संस्थापक शेयरधनीहरुले बैंकका कम्पनी सचिवको कार्यालयमा सम्पर्क गर्न अनुरोध गरेको छ ।
उक्त म्यादभित्र संस्थापक शेयरधनीबाट शेयर खरीदका लागि निवेदन प्राप्त नभएमा सर्वसाधारणलाई संस्थापक शेयर विक्रीका लागि प्रक्रिया अगाडि बढाइने कम्पनीले जानकारी दिएको छ । बैंकले संस्थापकहरुको नाम र विक्री मूल्य खुलाएको छैन । यसका लागि कम्पनी सचिवको कार्यालयमा नै सम्पर्क गर्न अनुरोध गरेको छ ।
