दशैं, तिहार तथा छठ पर्वमा स्ट्याण्डर्ड चार्टर्ड बैंकको यी शाखाहरु संचालन हुने
काठमाडौं । स्ट्याण्डर्ड चार्टर्ड बैंक लिमिटेडले नेपालीहरुको महान चाड बिजया दशमी, दीपावली तथा छठ पर्वमा पनि आफ्ना केही सीमित शाखाहरु संचालनमा ल्याउने भएको छ । बैंकले एक सूचना प्रकाशन गर्दै दशैं, तिहार तथा छठमा केही शाखाबाट बैकिङ्ग सेवा सुविधा दिने जनाएको हो ।
बैंकले असोज १० गते अर्थात् घटस्थापनाको दिनदेखि असोज १८ गते नवमीको दिनसम्ममा विदाको दिन ११ वटा शाखाहरु संचालन रहने बताएको छ ।
साथै बैंकले कात्तिक ८ गते गाईपूजाको दिनमा विरगंज, नेपालगंज र पोखरा शाखा खुल्ने जनाएको छ । यसका साथै कात्तिक ९ गते गोबद्र्धन पूजाको दिन धरान, बुटवल, न्यूरोड काठमाडौं शाखा संचालन रहनेछन् । त्यस्तै, कात्तिक १३ गते छठ पर्वको दिनमा ललितपुर, नक्साल र पोखरा ब्रान्च संचालनमा रहने बैंकले जनाएको छ ।
दशै, तिहार तथा छठ पर्वको अवसरमा खुल्ल लागेका यी शाखाहरु बिहान १० बजेदेखि दिउँसो १ बजेसम्म ४ घण्टा मात्रै खुल्ला रहने जनाएको छ ।
