मेगा बैंकको लाभांश सुरक्षित गर्ने भोलि अन्तिम दिन
काठमाडौं । मेगा बैंक लिमिटेडको लाभांश सुरक्षित गर्ने भोलि (मंसिर २१) गते अन्तिम दिन रहेको छ । बैंकले साधारण सभा तथा लाभांश वितरण प्रयोजनका लागि मंसिर २३ गते बुकक्लोज गर्ने भएसँगै भोलिसम्म कायम शेयरधनीहरुले मात्रै प्रस्तावित लाभांश पाउनेछन् ।
मंसिर २२ गते धान्य पूर्णिमा।उभौली पर्व भएका कारण सार्वजनिक विदा परेको हुनाले भोलिसम्म नेप्सेमा कायम शेयरधनीले मात्रै मेगा बैंकको लाभांश पाउनेछन् ।
बैंकले गत आर्थिक वर्षको मुनाफाबाट कायम चुक्तापुँजीको ४ प्रतिशत बोनस शेयर र ३.७९ प्रतिशत नगद लाभांश (कर समेत) गरी कुल ७.७९ प्रतिशत लाभांश प्रस्ताव गरेको छ ।
उक्त प्रस्तावित लाभांश पारितका लागि बैंकले यहि पुष ७ गते राष्ट्रिय सभागृह काठमाडौंमा बिहान १० बजे बस्नेगरी १२औं वार्षिक साधारण सभा आह्वान गरेको छ ।
