कारोबारको पहिलो दिनमै पिपुल्स हाइड्रोपावरको शेयरमा नकारात्मक सर्किट, शेयर किन्न झुम्मिए लगानीकर्ता
काठमाडौं । पिपुल्स हाइड्रोपावरको शेयर आजदेखि कारोबारमा आएकोछ । मंंसिर २७ गते नेप्सेमा ‘पीएचसीएल’ सिम्बोलबाट सूचीकृत भएको कम्पनीको आइपीओ आजदेखि कारोबारमा आएको हो ।
कम्पनीको आइपीओ ३०० रुपैयाँमा खुलेको छ । यो समाचार तयार पार्दासम्म कम्पनीको शेयरमा नकारात्मक सर्किट लागेको छ । अर्थात शेयरमूल्य ३० रुपैयाँले घटेर २७० रुपैयाँ पुगेको छ ।
साथै शेयर कारोबारमा पहिलो दिनमै कम्पनीका लगानीकर्ताहरुले धमाधम शेयर किनबेच गरेका छन् । यो समाचार तयार पार्दासम्म कम्पनीको सर्वाधिक २० लाख रुपैयाँमाथिको कारोबार भएको छ ।
