नेप्सेमा थप ३७ लाख ५० हजार कित्ता बोनस शेयर सूचीकृत
काठमाडौं । नेपाल स्टक एक्सचेञ्ज (नेप्से)मा थप एक कम्पनीको बोनस शेयर सूचीकृत भएको छ । एनसीसी बैंक लिमिटेडले आफ्नो साधारण सभाबाट पारित गरेको ३.३६६३ प्रतिशत बोनस शेयर आज सूचीकृत गराएको हो ।
सो प्रतिशत दरका कुल ३७ लाख ५० हजार कित्ता बोनस शेयर आज नेप्सेमा सूचीकृत भएको हो । सूचीकृतपश्चात उक्त शेयर शेयरधनीको हितग्राही खातामा जम्मा भएपछि दोस्रो बजारमा कारोबार गर्न मिल्नेछ ।
