नेपाल बैंकको संचालकमा धनीराम शर्मा नियुक्त
काठमाडौं । नेपाल बैंक लिमिटेडको संचालकमा धनीराम शर्मा नियुक्त भएका छन् । नेपाल सरकार, अर्थ मन्त्रालयको तर्फबाट शर्मा नेपाल बैंकको संचालक समितिको सदस्यमा चयन भएका हुन् ।
यसअघि अर्थमन्त्रालयकै प्रतिनिधिको रुपमा संचालक पदमा रहेका केदारनाथ शर्माको स्थानमा अर्थमन्त्रालयका सहसचिव धनीराम शर्मा नियुक्त भएका हुन् । साथै उनले फागुन १५ गते नै संचालक समितिको अध्यक्षबाट संचालक पदको पद तथा गोपनियताको शपथ ग्रहण गरेका छन् ।
