कुमारी बैंकको करिब ३ लाख कित्ता शेयरमा आवेदन दिने अवधि थप, न्यूनतम मूल्य ११९ रुपैयाँ
काठमाडौं । कुमारी बैंक लिमिटेडको संस्थापक शेयर शिलबन्दी बोलपत्रद्वारा बिक्री गर्ने समय थप गरिएको छ । बैंकले संस्थापक शेयरधनीको नाममा रहेको संस्थापक समूहको जम्मा २ लाख ९६ हजार कित्ता शेयर बिक्रीमा ल्याएको हो ।
जसमा फागुन ३० गतेसम्म मात्रै बोलपत्र पेश गर्न पाउने अवधि रहेकोमा सो अवधि थप गरी अब चैत ६ गतेसम्म गोप्य शिलबन्दी बोलपत्र पेश गर्न पाउनेछन् ।
बैंकले सो शेयरको न्यूनतम मूल्य ११९ रुपैयाँ तोकेको छ । यसर्थ आवेदकले सो वा सो भन्दा बढी मूल्य अंकित गरी गोप्य शिलबन्दी बोलपत्र पेश गर्न सक्नेछन् ।
