नागरिक लगानी कोषको बार्षिक साधारणसभा असार ३१ गते, लाभांश प्रस्ताव मुख्य एजेण्डा

काठमाडौं। नागरिक लगानी कोषले बार्षिक साधारणसभा असार ३१ गते रहेको छ। सभा कोषले आफनो आफ्नै केन्द्रीय कार्यालयमा सभामा गर्ने भएको छ।

सभामा लाभांश सहितका विविध प्रस्ताव पेश हुने छन् । कम्पनीले आर्थिक वर्ष २०७८ / ७९ को मुनाफाबाट २५ प्रतिशत वोनस शेयर र १.३१५८ नगद लाभांश बितरण गर्ने प्रस्ताव गरेको छ । कम्पनीको साधारणसभाले पारित गरेपछि उक्त लाभांश लगानीकर्तामा वितरण हुने छ । कम्पनीले साधारणसभा प्रयोजनको लागि असार १९ गते बुक क्लोज गर्ने निर्णय गरेको छ । असार १८ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्ने छन् ।

सभामा सञ्चालक समितिको तर्फबाट अध्यक्षज्यूले पेस गर्नुहुने कोपको आर्थिक वर्ष २०७८ ÷ ७९ को वार्षिक प्रतिवेदन उपर छलफल गर्ने लेखापरीक्षकको प्रतिवेदन सहितको २०७९ साल असार मसान्तको वासलात, नाफा नोक्सान हिसाव र नगद प्रवाह विवरण उपर छलफल गरी पारित गर्ने, कोषको आर्थिक वर्ष २०७८/ ७९ को आम्दानी बाँडफाँट हिसाब विवरणमा छुट्याइएको प्रस्तावित २५ (पच्चीस) प्रतिशत वोनस शेयर र १.३१५८ ( एक दशमलव तीन एक पाँच आठ) प्रतिशत नगद लाभांश (बोनस शेयरको कर प्रयोजनका लागि) स्वीकृत गर्ने बिषय रहेको छ ।

कोषको सञ्चालक समितिमा अन्य बैंक तथा वित्तीय संस्थाहरू मध्येबाट त्यस्ता संस्थाले तोके बमोजिम निर्वाचित वा मनोनीत गरेको सञ्चालक पद १ (एक) को निर्वाचन गर्ने र साधारण सभाको निर्णय पुस्तिकामा हस्ताक्षर गर्न शेयरधनीहरू तथा सञ्चालकहरूको तर्फबाट एक÷एक जना प्रतिनिधि नियुक्त गर्ने एजेण्डा रहेको छ।