सिद्धार्थ म्युचुअल फन्डका दुई योजनाद्वारा लाभांश घोषणा, कुनको कति ?
काठमाडौं । सिद्धार्थ म्युचुअल फन्ड अन्तर्गत सञ्चालित दुई वटा योजनाले लाभांश घोषणा गरेको छ । सिद्धार्थ क्यापिटलको साउन ३२ गते बसेको बैठकको निर्णयले सिद्धार्थ इन्भेस्टमेन्ट ग्रोथ स्किम–२ र सिद्धार्थ इक्विटी फन्डका इकाइधनीहरुका लागि आर्थिक वर्ष २०७९–८०को लाभांश वितरण गर्ने भएको हो ।
क्यापिटलले सिद्धार्थ इक्विटी फन्डका इकाइधनीहरुलाई करसहित ५ प्रतिशतले हुन आउने ७ करोड ५० लाख रुपैयाँबराबरको नगद लाभांश वितरण गर्ने निर्णय गरेको छ । यसका साथै क्यापिटलले सिद्धार्थ इन्भेस्टमेन्ट ग्रोथ स्किम–२का इकाइधनीहरुलाई करसहित ६.५ प्रतिशतले हुन आउने ७ करोड ८० लाख रुपैयाँ वितरण गर्ने भएको छ ।
क्यापिटलका अनुसार यी दुवै योजनाको लाभांश वितरणार्थ निकट भविष्यमै बुक क्लोजको मिति तय गरिने भएको छ ।
