फाइनान्स कम्पनीहरु करिब आधा अर्ब घाटामा
चार महिनामा फाइनान्स कम्पनीहरुले करिब आधा अर्ब घाटा भएको नेपाल राष्ट्र बैंकले प्रकाशन गरेको तथ्यांकले देखाएको छ ।
चार महिनामा कुल १७ मध्ये ९ वटा फाइनान्स कम्पनी घाटामा छन् । उनीहरुको खुद घाटा ४६ करोड ६६ लाख रहेको छ । सबैभन्दा धेरै घाटा प्रोग्रेसिभ फाइनान्सको रहेको छ।
जसले यो अवधिमा १० करोड २० लाख रुपैयाँ खुद घाटा व्यहोरेको छ । यसैगरी समृद्धि फाइनान्सलाई ९ करोड ३९ लाख र क्यापिटल मर्चेन्ट बैंककिङ एण्ड फाइनान्स ६ करोड ३२ लाख रुपैयाँ खुद घाटामा रहेको नेपाल राष्ट्र बैंकको तथ्यांकले देखाउँछ ।
यसैगरी, गुवेश्वरी मर्चेन्ट बैंककिङ एण्ड फाइनान्स ५ करोड ३१ लाख, पोखरा फाइनान्सलाई ५ करोड १८ लाख र गुडविल फाइनान्सलाई ३ करोड ९७ लाख रुपैयाँ खुद घाटामा रहेका छन् ।
यस अवधिसम्ममा ८ वटा फाइनान्स कम्पनीहरुले खुद नाफा आर्जन गरेका छन् । यस्तो नाफा आर्जन गर्नेको शिर्ष स्थानमा मन्जुश्री फाइनान्स रहेको छ । जसले यो ४ महिनामा ११ करोड ३९ लाख खुद नाफा आर्जन गरेको छ । त्यसैगरी, गोर्खाज फाइनान्सले ५ करोड २० लाख तथा रिलायन्स फाइनान्सले ४ करोड ६८ लाख खुद नाफा आर्जन गरेका छन्।
