एनपीएल अवधिमा ओमोडा एन्ड जेइकोको गाडि किन्नेलाई विशेष छुट
काठमाडौँ । कीर्तिपुरस्थित त्रिभुवन अन्तर्राष्ट्रिय क्रिकेट मैदानमा जारी नेपाल प्रिमियर लिग (एनपीएल) २०२४ मा ओमोडा एन्ड जेइकोले नेपाली क्रिकेट, खेलाडी, र दर्शकहरूको समर्थन गर्दै आफ्नो सक्रिय उपस्थितिलाई अझै सबल बनाएको छ।
ओमोडा एन्ड जेइको एनपीएल २०२४ को आधिकारिक ‘ड्रिभन बाई’ सह-प्रायोजकको रूपमा रहेको छ। एनपीएलको पहिलो संस्करणलाई विशेष बनाउन कम्पनीले ‘एनपीएल सिजन, डिल्स इन मोसन’ नामक विशेष योजनाको घोषणा गरेको छ।
कम्पनीले ओमोडा ई–फाइभ वा जेइको जे–सिक्स बुकिङ गर्ने ग्राहकहरूका लागि विभिन्न आकर्षक सुविधाहरू उपलब्ध गराएको छ। यी सुविधाहरूमा नगद छुट, एक्सचेन्ज बोनस, ७ किलोवाटको चार्जर, अटो प्लस कम्प्रिहेन्सिभ बीमा, र आर्थिक वर्ष २०८१/८२ का लागि निःशुल्क सडक कर जस्ता लाभ समावेश छन्।
ओमोडा ई–फाइभ एक पूर्ण विद्युतीय एसयूभी हो, जसले डब्लुएलटीपी मापनअनुसार ४३० किलोमिटर रेन्ज प्रदान गर्छ। त्यस्तै, जेइको जे–सिक्स एक पूर्ण विद्युतीय ‘फोर बाई फोर’ अफ–रोडर एसयूभी हो, जसले ४०० किलोमिटरको डब्लुएलटीपी रेन्ज प्रदान गर्ने क्षमता राख्छ।
यस योजनामा ग्राहकहरूले गाडी खरिद गर्दा उत्कृष्ट मूल्य र सहज फाइनान्सिङ सुविधा पाउनेछन्। योजना पुस ६ गतेसम्म मान्य रहने छ। कम्पनीले योजनामा केही नियम तथा सर्तहरू लागू हुने जानकारीसमेत गराएको छ।
ओमोडा एन्ड जेइकोको यो सक्रियता नेपाली क्रिकेटको प्रगतिमा थप योगदान पुर्याउने उद्देश्यले गरिएको हो। कम्पनीले खेलकुद क्षेत्रलाई सशक्त बनाउन आफ्नो उपस्थितिलाई निरन्तर सशक्त बनाउने प्रतिवद्धता व्यक्त गरेको छ।
