व्यवसायीका अघि झुक्यो सरकार, सर्वसाधारण भन्दा ब्यवसायी पोस्न लागेपछि बढ्यो ग्यासको मूल्य
काठमाडौँ । अन्ततः सरकार ग्यास ब्यवसायीका अघि झुक्न पुगेको छ । नेपाल एलपी ग्यास उद्योग संघले आफ्नो माग पूरा गर्नको लागि आन्दोलन गरेपछि सरकारले दबाबमा परेर ग्यासको मूल्य बढाएको हो । उद्योग, वाणिज्य तथा आपूर्ति मन्त्रालय र नेपाल एलपी ग्यास उद्योग संघको बैठकमा ५ बुँदे सहमति भएपछि ग्यासको मूल्य प्रति सिलिन्डर १२ रुपैयाँ ७५ पैसाले बढेको हो ।
यसले गर्दा उद्योगीहरूका मुनाफा बढाउने खेल चलिरहेको छ, जबकि सर्वसाधारणले दैनिक जीवनयापनमा कठिनाइ भोगिरहेका छन् । सरकारले ग्यासलाई अत्यावश्यक वस्तुको सूचीमा राखेको भए पनि उद्योगीहरूको दबाबमा सरकारको नीतिमा अनिश्चितता देखिएको छ । ग्यासको अभाव, कालोबजारी र मूल्य वृद्धि लगायतका समस्याले सर्वसाधारणलाई ठूलो असर पारिरहेको छ ।
काठमाडौँमा सरकार र उद्योगीहरूको बीचमा ४ घण्टा लामो वार्ता भएको थियो, जसको परिणामस्वरूप ग्यासको मूल्यमा समायोजन गरिएको छ । यद्यपि, यसले उपभोक्ताका लागि स्थिरता ल्याउन सकेको छैन । उद्योगीहरूले ढुवानी लागत, डिलर कमिसन र अन्य खर्चको वृद्धि माग गर्दै आन्दोलन थालेका थिए, जसका कारण ग्यासको आपूर्ति ठप्प पारिएको थियो ।
ग्यास उद्योगीहरूको गैरकानुनी हड्तालले सर्वसाधारणलाई सास्ती, सरकार मुकदर्शक
