यस्ता छन् मन्त्री परिषद् बैठकका १९ निर्णय
काठमाडौँ । सरकारले चालु आर्थिक वर्ष २०८१/८२ का लागि चैते धानको न्यूनतम समर्थन मूल्य प्रतिक्विन्टल २,८६९ रुपैयाँ तोकेको छ। मन्त्रिपरिषद्को बैठकले १८ प्रतिशतसम्म चिस्यान भएका धानलाई उक्त मूल्य प्रदान गर्ने निर्णय गरेको हो। साथै, चिस्यान १८ प्रतिशतभन्दा बढी भएमा प्रत्येक एक प्रतिशतका लागि प्रतिक्विन्टल १,२०० ग्रामका दरले तौल घटाइ मूल्य निर्धारण गरिनेछ।
सरकारले अमेरिकाको वासिङ्टन डिसीमा आयोजना हुने ‘एन्टी करप्सन ग्लोबल फोरम’मा अख्तियार दुरुपयोग अनुसन्धान आयोगका आयुक्त जयबहादुर चन्दलाई सहभागी गराउने निर्णय गरेको छ। सञ्चार तथा सूचना प्रविधिमन्त्री पृथ्वी सुब्बा गुरुङले सोमबार मन्त्रालयमा आयोजित पत्रकार सम्मेलनमा मन्त्रिपरिषद्का निर्णय सार्वजनिक गर्दै आयुक्त चन्दलाई स्वीकृति प्रदान गरिएको जानकारी दिए।
मन्त्रिपरिषद्ले विभिन्न विषयमा महत्वपूर्ण निर्णयहरू गरेको छ। तीमध्ये धानको समर्थन मूल्य निर्धारण र एन्टी करप्सन फोरममा प्रतिनिधित्वका निर्णय चर्चामा छन्। मन्त्री गुरुङका अनुसार सरकारले कृषकलाई राहत दिन न्यूनतम समर्थन मूल्य तोक्ने नीति लिएको छ। त्यस्तै, अन्तर्राष्ट्रिय सम्मेलनमा सहभागी भएर नेपालले भ्रष्टाचारविरोधी पहललाई सशक्त पार्ने उद्देश्य राखेको छ।
