हिमालयन लघुवित्तद्वारा सुनिता आचार्य पुनः सञ्चालक नियुक्त
काठमाडौँ। हिमालयन लघुवित्त लिमिटेडले सर्वसाधारण सेयरधनीको तर्फबाट सञ्चालक समितिमा प्रतिनिधित्व गर्ने गरी सुनिता आचार्यलाई पुनः सञ्चालक पदमा नियुक्त गरेको छ।
लघुवित्तका अनुसार आचार्यको सञ्चालक पदको कार्यकाल २०८१ साल चैत ४ गते समाप्त भएकाले रिक्त पद पूर्तिका लागि बैंक तथा वित्तीय संस्था सम्बन्धी ऐन, २०७३ को दफा १४ को उपदफा २ (ख), कम्पनी ऐन, २०६३ को दफा ८७ को उपदफा १ (२) तथा बैंकको नियमावलीअनुसार निर्णय गरिएको हो।
यस सम्बन्धमा लघुवित्तको सञ्चालक समितिको २३९औँ बैठक २०८१ साल चैत ४ गते बसेको थियो। बैठकले अर्को साधारण सभासम्मका लागि बनेपा नगरपालिका वडा नं. ९ निवासी आचार्यलाई पुनः सञ्चालक पदमा नियुक्त गर्ने निर्णय गरेको लघुवित्तले जनाएको छ।
