हिम स्टार उर्जाको आइपीओमा आवेदन दिनेको ओइरो, पहिलो दिन मै ६२ करोड संकलन
काठमाडौं । हिम स्टार उर्जा कम्पनी लिमिटेडको आइपीओमा पहिलो दिन मै ६२ करोड ६२ लाख २५ हजार रुपैयाँ संकलन भएको छ । सिडिएसका अनुसार आज अर्थात् असार २४ गते साँझ ५ः६ बजेसम्म ५ लाख २० हजार २६७ जनाले ६२ लाख ६२ हजार २५० कित्ताका लागि आवेदन दिएका हुन् । जुन मागभन्दा ८.०९ गुणा बढी आवेदन हो ।
कम्पनीले आजदेखि सर्वसाधारणमा शेयरको प्रारम्भिक निष्कासन (आईपीओ) गरेको हो । कम्पनीले प्रतिकित्ता १०० रुपैयाँका दरले कुल ११ लाख १९ हजार कित्ता आईपीओ निष्कासन गर्न नेपाल धितोपत्र बोर्डबाट अनुमति पाएको हो।
जसमध्ये प्रथम चरणमा आयोजना प्रभावितका लागि १ लाख ८६ हजार ५०० कित्ता र वैदेशिक रोजगारीमा रहेका नेपालीलाई ९३ हजार २५० कित्ता शेयर शेयर निष्कासन गरिसकेको छ।
अब कम्पनीले कर्मचारीका लागि १८ हजार ६५० कित्ता शेयर र सामुहिक लगानी कोषका लागि र ४६ हजार ६२५ कित्ता शेयर सुरक्षित गरेर बाँकी रहेको ७ लाख ७३ हजार ९७५ कित्ता शेयर सर्वसाधारणमा निष्कासन गरेको हो।
यसमा लगानीकर्ताले घटीमा १० कित्ता र बढीमा १० हजार कित्तासम्म आवेदन दिन सक्नेछन्। निष्कासन बन्द छिटोमा असार २७ गते हुनेछ तर उक्त अवधिसम्म पर्याप्त आवेदन नपरेमा साउन ६ गतेसम्म लम्बिने कम्पनीले जनाएको छ।
कम्पनीको आईपीओ निष्कासन तथा बिक्री प्रबन्धकमा एनआईसी एशिया क्यापिटल लिमिटेड रहेको छ।
