बीमा कम्पनीहरुको शेयरमूल्यमा भारी गिरावट, कुनको किन्दा कति पर्छ ?
काठमाण्डौं । साता कारोबारको चौथो दिन अर्थात बुधबार शेयर बजार उच्च अंकले घटेको छ । आज नेप्से परिसूचक ४७.९३ अंकले घटेर २९५४.१४ विन्दुमा कायम भएको छ ।
बुधबार बीमा समूहका दुईवटै उपसूचक घटेका छन् । जीवन बीमा समूह १.७६ प्रतिशत र निर्जीवन बीमा समूह १.५४ प्रतिशतले घटेको छ । बीमा कम्पनीहरुमा आज दुई पुनर्बीमाको मात्रै शेयरमूल्य बढेको छ । हिमालयन रि को शेयरमूल्य २.६६ प्रतिशतले बढेर १०८७.३५ रुपैयाँ पुगेको छ भने नेपाल रि को शेयरमूल्य १.६९ प्रतिशतले बढेर १६२८.७९ रुपैयाँ पुगेको छ ।
जीवन बीमा कम्पनी
हिमालयन लाइफले २.६३ प्रतिशतले सर्वाधिक गुमाएको छ । साथै, रिलायलब नेपाल लाइफको २.४३ प्रतिशत, प्रभु महालक्ष्मी लाइफको २.४३ प्रतिशत, क्रेष्ट माइक्रो लाइफको २.१२ प्रतिशत, सानिमा रिलायन्स लाइफको २.०५ प्रतिशत, सिटिजन लाइफको २.०२ प्रतिशत, एलआइसी नेपालको १.९७ प्रतिशत, आइएमई लाइफको १.९५ प्रतिशत, सूर्यज्योति लाइफको १.७४ प्रतिशत, गार्डियन माइक्रो लाइफको १.२९ प्रतिशत ,सन नेपाल लाइफको १.५३ प्रतिशत, एशियन लाइफको ०.७१ प्रतिशत नेपाल लाइफको १.१९ प्रतिशत र नेशनल लाइफको १.२७ प्रतिशत ले घटेको छ ।
निर्जीवन बीमा कम्पनी
आज सर्वाधिक गुमाउने बीमा कम्पनीमा एनएलजी इन्स्योरेन्स रहेको छ । कम्पनीको शेयरमूल्य २.८३ प्रतिशतले घटेर ८८०.४२ रुपैयाँ पुगेको छ । त्यस्तै, हिमालयन एभरेष्टको २.६२ प्रतिशत, आइजीआई प्रुडेन्सियलको २.४३ प्रतिशत, नेपाल इन्स्योरेन्सको १.१५ प्रतिशत, नेको इन्स्योरेन्सको ०.११ प्रतिशत, नेपाल माइक्रो इन्स्योरेन्सको १.७८ प्रतिशत, प्रभु इन्स्योरेन्सको १.४० प्रतिशत, आरबीसीएलको ०.३६ प्रतिशत, सलिकोको १.५३ प्रतिशत, सानिमा जिआइसीको २.१४ प्रतिशत, शिखर इन्स्योरेन्सको १.८१ प्रतिशत, सिद्धार्थ प्रिमियरको १.४७ प्रतिशत र युनाइटेड अजोडको २.४० प्रतिशतले शेयरमूल्य घटेको छ ।
