दुई पुनर्बीमाको सर्वाधिक कारोबार, अन्य कुनको कति ?
काठमाडौं । साताको दोस्रो कारोबार मंगलबार शेयर बजार दोहोरो अंकले घटेको छ । आज नेप्से परिसूचक २४.७१ अंकले घटेर २७९७.७४ को बिन्दुमा कायम भएको छ ।
शेयर बजार घटेसँगै कारोबार पनि उच्च अंकले गिरावट भएको छ । आज कुल ६ अर्ब ९१ करोड रुपैयाँको मात्र कारोबार भएको छ । जसमा आज नेपाल रि इन्स्योरेन्सको सबैभन्दा बढी रुपैयाँको शेयर खरिद–बिक्री भएको छ । कम्पनीको आज २६ करोड ७७ लाख रुपैयाँको शेयर कारोबार भएको छ ।
त्यस्तै, हिमालयन रि इन्स्योरेन्सको २३ करोड ९६ लाख रुपैयाँ, लुम्बिनी विकास बैंकको २० करोड २६ लाख रुपैयाँ, शिवम् सिमेन्टको २० करोड ६ लाख रुपैयाँ र बुटवल पावर कम्पनीको बुटवल पावरको १९ करोड ६० लाख रुपैयाँको शेयर कारोबार भएको छ ।
