एमडीआरटी ग्लोबल कन्फ्रेन्समा नेपाली प्रतिनिधिहरूको ऐतिहासिक सहभागिता

काठमाडौं । विश्वका उत्कृष्ट बीमा तथा वित्तीय व्यवसायीहरूको साझा मञ्च मानिने (मिलियन डलर राउण्ड टेवल) ग्लोबल कन्फरेन्समा यसपटक विश्वभरिबाट करिब १९ हजार भन्दा बढी प्रतिनिधिहरू सहभागी भएका छन् ।

एमडीआरटी केवल एउटा सम्मेलन मात्र होइन, यो त्यस्तो अन्तर्राष्ट्रिय संस्था हो जसले इमानदार, सफल र सेवा–केन्द्रित व्यवसायीलाई विश्वस्तरीय पहिचान दिन्छ । एमडीआरटी सदस्य बन्नु भनेको अनुशासन, परिश्रम, र उत्कृष्ट सेवाको उच्चतम स्तरमा पुगेको प्रमाण हो।

नेपाल जस्तो सानो बजारबाट एमडीआरटी जस्तो ठुलो विश्वव्यापी प्लेटफर्ममा पुग्नु आफैंमा दुर्लभ उपलब्धि हो। यस वर्ष नेपालबाट जम्मा ७ जना प्रतिनिधिहरू मात्रले यो अवसर पाएका थिए । तीमध्ये पनि हिमालयन लाइफ इन्स्योरेन्स कम्पनीका ६ जना प्रतिनिधिहरू यस सम्मेलनमा सहभागी हुनु गर्वको कुरा हो । सहभागी हुने प्रतिनिधिहरूमा रबिन्द्र तिमलसिना, सृष्टि बस्नेत, सुजु थापा, फुरु माया तामाङ , शान्ति शर्मा र बिमल ढकाल रहेका छन् ।

नेपालका लागि यो सहभागिताको महत्वः

नेपालमा बीमा व्यवसाय अझै पनि विकासोन्मुख अवस्थामा छ । धेरै मानिसहरूमा बीमा भन्ने कुरा केवल दायित्व वा औपचारिकता जस्तो लाग्छ । तर एमडीआरटीमा पुगेका नेपाली प्रतिनिधिहरूले विश्वलाई देखाएका छन् । नेपालका व्यवसायीहरू पनि मेहनत, ईमानदारी र लगनशिलतामा विश्वका उत्कृष्टहरूसँग प्रतिस्पर्धा गर्न सक्छन्।

नेपालबाट ७ जनामध्ये ६ जना एकै कम्पनी—हिमालयन लाइफ इन्स्योरेन्सबाट सहभागी हुनु भनेको कम्पनीको व्यवसायिक अनुशासन, अभिवृद्धि रणनीति र टीमवर्कको स्पष्ट प्रमाण हो। यसले केवल कम्पनीको नाम मात्र होइन, सम्पूर्ण नेपाली बीमा उद्योगलाई अन्तर्राष्ट्रिय स्तरमा चिनाएको छ।

व्यक्तिगत उपलब्धि मात्र होइन, सामूहिक गौरव

एमडीआरटीको ग्लोबल सम्मेलनमा सहभागिता गर्नु भनेको व्यक्तिगत सम्मान मात्र होइन । यसले नेपाली बीमा व्यवसायीहरूको मेहनतलाई विश्वसमक्ष प्रस्तुत गर्दछ । प्रतिनिधिहरूले सम्मेलनमार्फत विश्वभरिका १९ हजार भन्दा बढी उत्कृष्ट व्यवसायीहरूसँग अनुभव आदान–प्रदान गर्ने अवसर पाए । नयाँ विचार, नयाँ प्रविधि र ग्राहक–केन्द्रित सेवाबारे प्रत्यक्ष ज्ञान लिनु आफैंमा ठूलो उपलब्धि हो ।

अभिकर्ताहरुको उक्त सहभागिताले आउदो दिनमा ग्राहक सेवाको गुणस्तर वृद्धि, व्यवसायमा पारदर्शिता, नयाँ रणनीति, प्रविधि प्रयोग र बीमाप्रति अझै धेरैको विश्वास जगाउने बाटोका रूपमा सफलता हासिल गर्ने छ ।

चुनौतीबीचको सफलता

नेपालमा बीमा व्यवसाय सजिलो छैन। सानो बजार, सीमित आय स्रोत, वित्तीय सचेतनाको कमी, र अनेकौँ चुनौतीहरूबीच काम गर्नुपर्छ। तर त्यही चुनौतीलाई अवसरमा बदल्दै एमडीआरटी जस्तो स्तरमा पुग्नु असाधारण उपलब्धि हो। यो उपलब्धिले देखाएको छ कि सही मेहनत र दृढ संकल्प भए लक्ष्य पक्कै हासिल हुन्छ।

भविष्यप्रति अपेक्षा

नेपालका यी सात प्रतिनिधिहरूले आज देशलाई गर्व दिलाउनुभएको छ। भोलि भने अझ धेरै नेपाली ःम्च्त् मा सहभागी होऊन् भन्ने अपेक्षा गरिएको छ। एमडीआरटीबाट आर्जित ज्ञान र अनुभवले आगामी पुस्तालाई पनि प्रेरणा दिनेछ। बीमा व्यवसायलाई केवल रोजगारी नभई समाज सेवा र उज्ज्वल करियरको बाटो देखाउनेछ।

निष्कर्ष
एमडीआरटी सम्मेलनमा सहभागिता प्राप्त गर्नु भनेको केवल एउटा अन्तर्राष्ट्रिय भ्रमण होइन, यो बीमा क्षेत्रमा उत्कृष्टता, इमानदारी र आत्मसमर्पणको उच्चतम मान्यता हो। नेपालबाट जम्मा ७ जना मात्रले यो अवसर पाउनुमा हामी सबैलाई गर्व छ।

विशेषगरी हिमालयन लाइफ इन्स्योरेन्स कम्पनीका ६ जना प्रतिनिधिहरू—रबिन्द्र तिमलसिना, सृष्टि बस्नेत, सुजु थापा,फुरु माया तामाङ, शान्ति शर्मा ,बिमल ढकाललाई कम्पनीले बधाई ज्ञापन गरेको छ ।