नक्सालमा रहेको भाटभटेनीमा ‘जेन-जी’ को आगजनी
काठमाडौँ । राजधानी नक्सालस्थित भाटभटेनी सुपरमार्केटमा मंगलबार दिउँसो जेन जी प्रदर्शनकारीले आगजनी गरेका छन् । आक्रोशित समूहले मिन बहादुर गुरुङद्वारा सञ्चालित उक्त मार्टमा प्रवेश गरी आगो लगाएका हुन् ।
आगलागीका कारण मार्टको तल्लो तर्फको भागमा ठूलो क्षति पुगेको प्रारम्भिक विवरण आएको छ ।
स्मरणीय रहोस्, भाटभटेनीका सञ्चालक मिन बहादुर गुरुङले नेकपा एमालेलाई करिब १० रोपनी जग्गा दान दिएका थिए । यही प्रसंग पनि आन्दोलनकारीबीच विरोधको एउटा कारण बनेको बताइन्छ ।
