नेपाली सेनाद्वारा कडा चेकिङ, अनुमति बिनाका नागरिकलाई जुन बाटो आयो सोहीतर्फ फिर्ता गरिदै
काठमाडौं । काठमाडौं उपत्यकामा यतिबेला नेपाली सेनाले कडा चेकिङ सुरक्षा गरिरहेको छ । नेपाली सेनाले बैंक, बीमा तथा वित्तीय संस्थाका कर्मचारीहरुलाई आवात–जावत गर्न दिने निर्णय कार्यान्वयनमा कडा चेकीङ गरिरहेको छ ।
काठमाडौंका विभिन्न स्थानमा नेपाली सेनाले चेकिङ पोष्ट खडा गरेर आवश्यकताको आधारमा आवत–जावत गर्न मिल्ने बाहेकका अन्य सबै सर्वसाधारणलाई जुन बाटो आयो सोही बाटोतर्फ फिर्ता गरिरहेको छ । नेपाली सेनाले सर्वसाधारणलाई आवश्यताबिना बाहिर ननिस्कन आग्रह गरेको छ ।
नेपाली सेनाले काठमाडौं उपत्यकामा कडा सुरक्षा उपलब्ध गराइरहेको छ ।
