प्रधानमन्त्री कार्कीको मन्त्रिपरिषद् विस्तार, गुप्ता-गौतमको शपथसँगै १० सदस्यीय सरकार गठन
काठमाडौँ। प्रधानमन्त्री सुशीला कार्की नेतृत्वको मन्त्रिपरिषद् आइतबार दुई मन्त्री थपिएपछि १० सदस्यीय बनेको छ। राष्ट्रपति रामचन्द्र पौडेलले राष्ट्रपति भवन शीतल निवासमा बब्लु गुप्तालाई युवा तथा खेलकुदमन्त्री र डा. सुधा शर्मा गौतमलाई स्वास्थ्य तथा जनसंख्यामन्त्रीको रुपमा पद तथा गोपनीयताको शपथ दिलाएका हुन्।
आजै खगेन्द्र सुनार र गणपतिलाल श्रेष्ठलाई पनि मन्त्री बनाउने तयारी भए पनि विवादका कारण उनीहरुको शपथ रोकिएको थियो।
प्रधानमन्त्री कार्की भदौ २३ र २४ गते भएको जेनजी आन्दोलनपछि प्रधानमन्त्री नियुक्त भएकी थिइन्। उनले भदौ ३० र असोज ६ गते आफ्नो मन्त्रिपरिषद् विस्तार गरिसकेकी छन्।
