सारडा र राठी ग्रुपको प्रिमियर स्टीलको बजारमा दबदबा, वर्षदिनको व्यापार ४ अर्ब ४१ करोड

सञ्चालन लाभदर सन् २०२५ मा ९.०३ प्रतिशत पुगेको छ। अघिल्लो वर्ष ५.८४ प्रतिशत रहेको तथ्याङ्कले सञ्चालन क्षमता र लाभको स्तरमा वृद्धि भएको देखिएको हो। संचालन लाभदरमा भएको वृद्धिले कम्पनीको उत्पादन प्रक्रिया र लागत व्यवस्थापन दुवैमा सुधार देखिएको छ ।

ब्याज अनुपात सन् २०२५ मा १.४८ रहेको छ। अघिल्लो वर्ष यो अनुपात १.६३ थियो।  कम्पनीले आफ्नो ऋण भुक्तानी क्षमता कायम राख्दै वित्तीय दायित्व व्यवस्थापनमा सन्तुलन कायम गरेको छ। चालू अनुपात सन् २०२५ मा ०.७४ पुगेको छ। अघिल्लो वर्ष ०.६७ रहेको थियो। चालू अनुपातले कम्पनीसँग छोटो अवधिका दायित्वहरू पूरा गर्न पर्याप्त स्रोत र सञ्चालन क्षमता रहेको तथ्याङ्क देखाउँछ।

कुल बाह्य दायित्व/स्वामित्व पूँजी अनुपात वित्तीय वर्ष २०२५ मा २.९५ रहेको छ। अघिल्लो वर्ष यो ३.५७ थियो। कुल ऋण अनुपात वित्तीय वर्ष २०२५ मा २.८१ रहेको छ। अघिल्लो वर्ष यो २.५४ थियो।

कम्पनीको बैंकिङ्ग सुविधाको रेटिङ पुनः मूल्याङ्कन गरिएको छ । इन्फोमेरिक्स नेपालले कम्पनीका दीर्घकालीन बैंक सुविधा १,५६१.३५ करोड रुपैयाँलाई डबल बी माइनसमा पुनः पुष्टि गरेको छ भने अल्पकालीन बैंक सुविधा ३,१७०.०० करोड रुपैयाँलाई ए फोर मा कायम राखेको छ । कम्पनीको ऋण संरचना अझै धेरै भारिलो छ। दीर्घकालीन र अल्पकालीन ऋण जोड्दा कुल बैंकिङ्ग सुविधा ४ अर्ब ७३ करोड रुपैयाँ पुगेको छ।

नेपालको सबैभन्दा पुरानो वायर तथा केबल उत्पादन गर्ने कम्पनीमध्ये प्रिमियर स्टीलले जीआई वायर, ग्याबियन बक्स, एसीएसआर कन्डक्टर, पीभीसी केबलसहित विविध स्टीलजन्य वायर, कपर वायर, कन्डक्टर र केबल निर्माण गरी देशभित्र बिक्री वितरण गर्दै आएको छ।

PR-Premier-Steel-Limited-1