मेयर बालेन साहलाई पितृ शोक, बुवा रामनारायण साहको निधन
काठमाडौं । काठमाडौं महानगरपालिकाका मेयर बालेन शाहलाई पितृशोक परेको छ। उनका बुवा रामनारायण शाहको सोमबार मध्याह्नमा निधन भएको हो।
उनी आइतबार बिहान नयाँ बानेश्वरस्थित सिभिल अस्पताल भर्ना भएका थिए । रामनारायणलाई पिसाबसम्बन्धी संक्रमण देखा परेको थियो जसको असर मस्तिष्कमा समेत देखिएको थियो ।
उपचारका क्रममा सोमबार मध्याह्न रामनारायणको निधन भएको जनाइएको छ ।
