भिजन लुम्बिनीले आईपीओ निष्कासन गर्ने
काठमाडौं । भिजन लुम्बिनी नेपालले आईपीओको प्रस्ताव सहित पुस १९ गते बुटवलको कालिकानगरस्थित दियालो फुडल्याण्डमा बिहान ८ बजे दशौं वार्षिक साधारणसभा बोलाएको छ।
उक्त साधारणसभाले कम्पनीको जारी पूँजीको २० प्रतिशत शेयर सर्वसाधारणका लागि शेयरको प्राथमिक सार्वजनिक निष्कासन (आईपीओ) जारी गर्ने र यसका लागि आवश्यक सम्पूर्ण कार्य गर्न सञ्चालक समितिलाई अख्तियारी दिनेछ।
साथै गत आवको वित्तीय विवरणहरू पारित गरी चालू आवको लागि लेखापरीक्षक नियुक्त गर्ने र निजको पारिश्रमिक निर्धारण गर्ने १० प्रतिशत लाभांश बाँड्ने लगायतका प्रस्ताव पनि रहेका छन्।
