हर्क साम्पाङको श्रम संस्कृति पार्टीका उपाध्यक्ष पक्राउ
काठमाडौँ । हर्क साम्पाङको श्रम संस्कृति पार्टीका उपाध्यक्ष विश्वक्रान्ति देवराज भनिने राजकुमार तामाङ लामालाई प्रहरीले पक्राउ गरेको छ । केन्द्रीय अनुसन्धान ब्युरो (सिआइबी) ले मंगलबार काठमाडौंको कपनबाट उनलाई पक्राउ गरेको हो।
लामा बबरमहल बम विस्फोटका मुख्य नाइके हुन्। १५ फागुन २०६८ मा बबरमहलस्थित नेपाल आयल निगमको गेटमा भएको विस्फोटमा तीनजनाको ज्यान गएको थियो। सो मुद्दामा सजाय भुक्तान गरी उनी २०७६ सालको प्रजातन्त्र दिवसमा छुटेका थिए।
छुटेपछि पनि फेरि उनीविरुद्ध पाँचथरमा मुद्दा दर्ता भएको थियो। जुन मुद्दामा उनी फरार देखिएपछि सिआइबीले पक्राउ गरेको हो।
