मेरो माइक्रोफाइनान्स लघुवित्तको अध्यक्षमा कल्याण विक्रम पाँडे पुनः नियुक्त
काठमाडौं । मेरो माइक्रोफाइनान्स लघुवित्त वित्तीय संस्था लिमिटेडको सञ्चालक समितिको अध्यक्षमा पुनः नियुक्त भएका बैंकर कल्याण विक्रम पाँडेले बिहीबार नेपाल राष्ट्र बैंकका कार्यकारी निर्देशक रामु पौडेलबाट पद तथा गोपनीयताको सपथ ग्रहण गरेका छन्।
नेपाल राष्ट्र बैंकमा आयोजित एक कार्यक्रमका बीच पाँडेले बैंक तथा वित्तीय संस्था सम्बन्धी ऐन, २०७३ बमोजिम सपथ लिएका हुन्। यसअघि पनि संस्थाको स्थापक समूह (ग्लोबल आइएमई बैंक लिमिटेड) को तर्फबाट प्रतिनिधित्व गर्दै अध्यक्षको जिम्मेवारी सम्हालिसकेका पाँडे पुनः अध्यक्षमा नियुक्त भएका हुन्।
संस्थाको सञ्चालक समितिको २०८२ पौष ३० गते बसेको १८२ औँ बैठकले पाँडेलाई सर्वसम्मत रूपमा अध्यक्षमा पुनः चयन गरेको थियो। पाँडे हाल ग्लोबल आइएमई बैंक लिमिटेडमा सहायक प्रमुख कार्यकारी अधिकृतको रूपमा कार्यरत छन्।
सपथ ग्रहण कार्यक्रममा संस्थाका कम्पनी सचिव तथा प्रमुख कार्यकारी अधिकृत रामहरि दाहाल, नायब प्रमुख कार्यकारी अधिकृत नवराज दाहाल लगायतको उपस्थिती रहेको थियो।
