मर्जर र शेयर स्वामित्व परिवर्तको प्रस्ताव सहित कर्पाेरेट डेभलपमेन्ट बैंकले बोलायो साधारणसभा
काठमाडौं । कर्पाेरेट डेभलपमेन्ट बैंक लिमिटेडको माघ १७ गते बसेको सञ्चालक समितिको बैठकले आउँदो फागुन १० गते पर्साको वीरगंजस्थित बैंकको प्रधान कार्यालयमा १८औं वार्षिक साधारणसभा बोलाएको छ।
बैंकको गत पुस २३ गते बसेको सञ्चालक समितिको बैठकले शेयरधनीलाई कुनै पनि लाभांश वितरण नगर्ने निर्णय गरिसकेकाले यस सम्बन्धी कुनै प्रस्ताव समावेश छैन। सो सभाले गत आवको वार्षिक र लेखापरीक्षण प्रतिवेदन सहितका वित्तीय विवरणहरू पारित गरी चालू आवको लागि लेखापरीक्षक नियुक्ति गरी निजको पारिश्रमिक निर्धारण गर्नेछ।
त्यसैगरी अन्य बैंक र वित्तीय संस्थासँग मर्जरमा जाने, बैंकको हाल कायम संस्थापक र सर्वसाधारण शेयर अनुपात ७०ः३० रहेकोमा त्यसलाई परिवर्तन गरी संस्थापक र सर्वसाधारण शेयर अनुपात ६०ः४० बनाउने र बैंकको प्रबन्धपत्र तथा नियमावलीमा आवश्यक संशोधन गर्न सञ्चालक समितिलाई अख्तियारी दिने प्रस्ताव पनि सभाले पारित गर्नेछ।
बैंकको यस साधारणसभामा नेपाल स्टक एक्सचेन्ज (नेप्से) मा माघ २८ गतेसम्म कायम शेयरधनीहरू मात्रै सहभागी हुन सक्नेछन्।
