झण्डै ३ किलो चाँदीका दाना सहित किशोर पक्राउ
काठमाडौं । नेपाल प्रहरीले चन्द्रागिरी नगरपालिका–२ नागढुंगाबाट करीब २ किलो ९०० ग्राम चाँदीका दाना सहित पर्सा फेटा गाउँपालिका–६ बस्ने १७ वर्षीय किशोरलाई मंगलबार बिहान पक्राउ गरेको छ।
प्रहरी प्रभाग नागढुंगा र लागूऔषध नियन्त्रण ब्यूरो शाखा कार्यालय नागढुंगाबाट खटिएको प्रहरीको टोलीले वीरगंजबाट काठमाडौंतर्फ आउँदै गरेको बा.प्र. ०१–००६ ख ५५२९ नम्बरको बसमा सवार उक्त किशोरलाई चाँदीका दाना सहित पक्राउ गरेको हो।
पक्राउ गरिएका किशोरमाथि थप अनुसन्धान तथा कारवाहीको लागि त्रिभुवन विमानस्थल भन्सार कार्यालय गौचर पठाइएको प्रहरीले जानकारी दिएको छ।
