शेयरबजारमा छायो हरियाली, नेप्से ५५ अंकले बढ्दा सबै सूचक चम्किए
काठमाडौं । साताको दोस्रो दिन शेयरबजारमा हरियाली छाएको छ । अघिल्लो दिन दोहोरो अंकले घट्न पुगेको शेयरमार्केट आज ५५.८८ अंकले बढेर २०६५ को विन्दुमा कायम भएको छ ।
नेपाल बैंकर्स संघको बैठकले भदौ महिनामा वाणिज्य बैंकहरुको ब्याजदर यथावत राखि नबढाउने कुराले पनि आज शेयरमार्केट एकाएक बढ्न पुगेको हो । नेप्सेमा सूचीकृत २१५ कम्पनीको ६० लाख २६ हजार १९२ कित्ता शेयर किनबेच हुँदा २ अर्ब ४३ करोड माथिको कारोबार भएको छ ।
शेयरबजारमा सुधार आएसँगै आज १३ उपसूचकमा नै हरियाली छाएको छ । अघिल्लो दिन सबै राताम्य भएको सूचकमा आज हरियाली छाउँदा सर्वाधिक फाइनान्स सूचक चम्किएको् छ । फाइनान्स समूहको ७.३८ प्रतिशतले बढेको छ भने अन्य समूहको ६.२७ प्रतिशतले बढेको छ ।
