रामेछाप बस दुर्घटना अपडेटः ज्यान गुमाउनेको संख्या १२ पुग्यो
काठमाडौँ । रामेछाप सदरमुकाम मन्थली नजिक बस दुर्घटना हुँदा १२ जनाको मृत्यु भएको छ। सो दुर्घटनामा बसका चालकसहित ८ जना घाइते भएका छन् ।
काठमाडौँबाट ओखलढुङ्गा जाँदै गरेको अरनिको यातायातको बागमती प्रदेश ०३–०१–००५ ख ९९७५ नम्बरको बस रामेछाप मन्थली नगरपालिका–६ मसानटारस्थित सडकबाट करिब एक सय मिटर तल तामाकोशी नदीमा खसेको हो।
बस चालकलाई प्रहरीले नियन्त्रणमा लिएको छ । बसका बाँकी यात्रुको अझै खोजतलाश जारी रहेको प्रहरीले जनाएको छ।
