सुन र चाँदीको मूल्यमा सामान्य गिरावट
काठमाडौं । शुक्रबार सुन र चाँदीको भाउमा सामान्य गिरावट आएको छ । आज सुनको भाउ ३०० रुपैयाँले र चाँदीको भाउ २५ रुपैयाँले घटेको छ ।
नेपाल सुन चाँदी व्यवसायी महासंघका अनुसार आज छापावाल सुन प्रतितोला ३०० रुपैयाँले घटेर ९७ हजार २०० रुपैयाँ कायम भएको छ । यसैगरी, चाँदीको भाउ पनि तोलामा २५ रुपैयाँले घटेर १२ सय १० रुपैयाँमा कायम भएको छ । साथै तेजावी सुनको मूल्य तोलाको ९६ हजार ७०० रुपैयाँ निर्धारण भएको छ ।
यसअघि, बिहीबार छापावाल सुन प्रतितोला ९७ हजार ५०० रुपैयाँमा कारोबार भएको थियो भने तेजावी सुनको भाउ तोलाको ९७ हजार रुपैयाँ निर्धारण भएको थियो । बिहीबार चाँदीको भाउ प्रतितोला १२ सय ३५ रुपैयाँ कायम रहेको थियो ।
