नेपाल टेलिकमको अवरुद्ध सेवा सुचारु
काठमाडौं । केही समय अघि नेपाल टेलिकमको नेटवर्कमा भएको अवरुछ पुनः सुचारु भएको छ । टेलिकमका अनुसार कम्पनीको नेटवर्कमा १५ देखि २० मिनेट मात्रै समस्या देखिएको हो ।
नेटवर्क प्रयोगकर्ताहरू एकैपटक बढेका कारण समस्या लामो समय देखिएको हो । आज दिउँसोको १२ बजेदेखि टेलिकम नेटवर्कमा समस्या देखिएको थियो ।
नेपाल टेलिकमको सिम प्रयोगकर्ताहरूले करिब आधा घण्टा कुनै पनि नेटवर्कमा कल गर्दा फोन नलाग्दै आफै काटिने समस्या देखिएको थियो। त्यस्तै मेसेज नजाने र डेटा पनि नचल्ने जस्ता समस्या देखिएका थिए।
नेपाल टेलिकमले सेवा सुचारु भएको जानकारी दिएतापनि समय–समयमा अझै पनि सेवा अवरुद्ध भएको प्रयोगकर्ताको गुनासो रहेको छ ।
