तोलामा ६ सयले बढ्यो सुनको भाउ, आज कतिमा हुँदैछ कारोबार?
काठमाडौं । बुधबार नेपाली बजारमा सुनको मूल्य बढेको छ। यस दिन सुन प्रतितोला ६०० रुपैयाँले बढेको हो।
नेपाल सुनचाँदी व्यवसायी महासंघका अनुसार आज सुन प्रतितोला १ लाख ७० हजार ५०० रुपैयाँका कारोबार भइरहेको छ। अघिल्लो दिन सुन प्रतितोला १ लाख ६९ हजार ९०० रुपैयाँ प्रतितोलामा किनबेच भएको थियो।
त्यसैगरी चाँदीको मूल्य पनि प्रतितोला ३० रुपैयाँले बढेर २ हजार रुपैयाँ पुगेको छ। अघिल्लो दिन चाँदी प्रतितोला १ हजार ९७० रुपैयाँमा किनबेच भएको थियो।
