तीन दिनदेखि स्थिर रहेको सुनको भाउ बढ्यो, कतिमा हुँदैछ कारोबार ?
काठमाडौं । तीन दिनदेखि स्थिर रहेको सुनको भाउ आज मंगलबार ६०० रुपैयाँले बढेको छ ।
आज छापावाला सुन प्रतितोला १ लाख ११ हजार ७०० रुपैयाँमा र तेजावी सुन प्रतितोला १ लाख ११ हजार १५० रुपैयाँमा कारोबार भइरहेको छ । सोमबार छापावाला सुन प्रतितोला १ लाख ११ हजार १०० तथा तेजावी सुन प्रतितोला १ लाख १० हजार ५५० रुपैयाँमा कारोबार भएको थियो ।
त्यस्तै, सुनचाँदी व्यवसायी महासंघका अनुसार आज चाँदी अघिल्लो दिनको तुलनामा प्रतितोला ५ रुपैयाँले बढेर १ हजार ४६५ रुपैयाँमा कारोबार भइरहेको छ ।
