१४ सयले बढ्यो सुनको मूल्य, प्रतितोला कति ?
काठमाडौं । साताको पहिलो दिन सुनचाँदीको मूल्य बढेको छ । आइतबार सुन तोलामा १ हजार ४ सय रुपैयाँ बढेको छ ।
नेपाल सुनचाँदी ब्यवसायी महासंघका अनुसार आजको लागि सुनको कारोबार मूल्य प्रतितोला ९४ हजार ५ सय रुपैयाँ निर्धारण भएको छ । गत शुक्रवार एक सय रुपैयाँ बढ्दा प्रतितोला ९३ हजार एक सय रुपैयाँमा कारोबार भएको थियो ।
त्यस्तै, चाँदीको मूल्य आइतबार प्रतितोला १२ सय ७५ रुपैयाँ छ । चाँदी गत साताको तुलनामा तोलामा ५० रुपैयाँ बढेको हो । गत शुक्रवार प्रतितोला १२ सय २५ रुपैयाँ थियो ।
