निप्पोन फर्मास्युटिकलले आईपीओ निष्कासन गर्ने
काठमाडौं । मोरङको विराटनगरमा रहेको निप्पोन फर्मास्युटिकल लिमिटेडले सर्वसाधारणका लागि आईपीओ निष्कासन गर्ने भएको छ। कम्पनीले आईपीओ निष्कासनका लागि नबिल इन्भेष्टमेन्ट बैंकिङ लिमिटेडलाई सेयर निष्कासन तथा बिक्री प्रबन्धक नियुक्त गरेको छ।
कम्पनीले विद्यमान धितोपत्र दर्ता तथा निष्कासनसम्बन्धी नियमावली र धितोपत्र निष्कासन तथा बाँडफाँटसम्बन्धी निर्देशिकाबमोजिम नियामक निकायबाट आवश्यक स्वीकृति प्राप्त भएपछि सर्वसाधारणका लागि आईपीओ निष्कासन गर्ने जनाएको छ।
विराटनगर महानगरपालिका–१२, बखरीमा रहेको निप्पोन फर्मास्युटिकलले अन्तर्राष्ट्रिय गुणस्तर मापदण्डअनुसार विभिन्न प्रकारका औषधि उत्पादन गर्दै आएको जनाएको छ। कम्पनीले ट्याब्लेट, क्याप्सुल, तरल औषधि, मलम, क्रिम, जेल, ओआरएस, ड्राइ सिरप र पेनिसिलिनलगायत औषधि उत्पादन गर्दै आएको छ।
