वस्तु आयात १६ प्रतिशत र निर्यात २२ प्रतिशतले घट्यो

काठमाडौं । नेपाल राष्ट्र बैंकले ११ महिनामा वस्तु आयात १६ प्रतिशत र निर्यात २२।७ प्रतिशत घटेको जनाएको छ । आर्थिक वर्ष २०७९–०८० को ११ महिनाको तथ्यांक सार्वजनिक गर्दै राष्ट्र बैंकले कुल वस्तु निर्यात २२।७ प्रतिशतले कमी आएको जनाएको हो । जसअनुसार वस्तु आयात रु।१४३ अर्ब ५९ करोड कायम भएको छ । अघिल्लो वर्षको सोही अवधिमा यस्तो निर्यात ५३।३ प्रतिशतले वृद्धि भएको थियो ।

गन्तव्यका आधारमा भारततर्फ भएको निर्यात ३२।२ प्रतिशतले कमी आएको छ भने चीन तथा अन्य मुलुकतर्फको निर्यात क्रमशः १०६।७ प्रतिशत र ९।९ प्रतिशतले वृद्धि भएको छ । यसैगरी वस्तुगत आधारमा जिंक सिट, पार्टिकल बोर्ड, अलैंची, ऊनी गलैंचा, तयारी पोशाक लगायतका वस्तुको निर्यात बढेको बैंकले जनाएको छ । यस्तै सोयाविन तेल, पाम तेल, पिना, लत्ताकपडा, सुन चाँदीका सामान तथा गरगहना लगायतका वस्तुको निर्यात घटेको छ ।

यसैगरी आर्थिक वर्ष २०७९र८० को एघार महिनामा कुल वस्तु आयात १६ प्रतिशतले कमी आई रु। १४८० अर्ब ९८ करोड कायम भएको बैंकले जनाएको छ । अघिल्लो वर्षको सोही अवधिमा यस्तो आयात २७।५ प्रतिशतले बढेको थियो । वस्तु आयात गरिने मुलुकका आधारमा वस्तुगत आधारमा रासायनिक मल, स्पोन्ज आइरन, सुन, कागज, अन्य स्टेशनरी सामान लगायतका वस्तुको आयात बढेको छ भने सवारी साधन तथा स्पेयर पार्टस्, एमएस विलेट, औषधी, कच्चा भटमासको तेल, अन्य मेशिनरी तथा पार्टस्लगायतका वस्तुको आयात घटेको बैंकले जनाएको छ।

निर्याततर्फ भैरहवा, सुक्खा बन्दरगाह, जलेश्वर, कैलाली, कृष्णनगर, मेची, रसुवा, तातोपानी र त्रिभुवन विमानस्थल भन्सार कार्यालय बाहेकका प्रमुख नाकाबाट गरिएको निर्यात घटेको छ । आयाततर्पm रसुवा भन्सार कार्यालय बाहेकका प्रमुख नाकाबाट भएको आयातमा कमी आएको छ ।

आर्थिक वर्ष २०७९र८० को एघार महिनामा कुल वस्तु व्यापार घाटा १५।२ प्रतिशतले कमी आई रु।१३३७ अर्ब ३९ करोड कायम भएको छ । अघिल्लो वर्षको सोही अवधिमा यस्तो घाटा २५ प्रतिशतले बढेको थियो । समीक्षा अवधिमा निर्यात–आयात अनुपात ९।७ प्रतिशत रहेको छ । अघिल्लो वर्षको सोही अवधिमा यस्तो अनुपात १०।५ प्रतिशत रहेको थियो । समीक्षा अवधिमा भारतबाट परिवत्र्य विदेशी मुद्रा भुक्तानी गरी रु।१३८ अर्ब ४७ करोड बराबरको वस्तु आयात भएको छ । अघिल्लो वर्षको सोही अवधिमा यस्तो आयात रु।२०० अर्ब ८८ करोड बराबरको भएको थियो ।