सोलुखुम्बुबाट काठमाडौं आउँदै गरेको मनाङ एयरको हेलिकोप्टर सम्पर्क विहिन, खोजी कार्य तीव्र
काठमाडौं । सोलुखुम्बुको सुर्केबाट काठमाडौं आउँदै गरेको मनाङ एयरको हेलिकप्टर केहीबेरअघिदेखि सम्पर्कविहीन भएको छ । बेपत्ता मनाङ् एयरको हेलिकोप्टर खोज्न काठमाडौंस्थित विमानस्थल उद्धार टोली र रुटमा पर्ने क्षेत्रबाट प्रहरी परिचालन गरिएको छ ।
उक्त हेलिकप्टरमा पाइटलसहित ६ जना यात्रु रहेको जनाइएको छ । ९ एन एएमभी कलसाइन भएको हेलिकप्टर १० बजेर १ मिनेटपछि सम्पर्कविहीन भएको हो । घटनाको सम्बन्धमा थप विवरण आउन बाँकी छ ।
