नेपाल वायुसेवा निगमले खुलायो रोजगारको अवसर, यसरी दिनुस् आवेदन
![](https://www.beemapost.com/wp-content/uploads/2022/12/Bayusewa-Nigam.jpg)
काठमाडौं । नेपाल वायुसेवा निगमले करारतर्फ क्याबिन क्रु समुहको पाँचौ तहमा ३० जना विमान परिचारिका माग गरेको छ । निगमले योग्यता पुगेका नेपाली नागरिकले सूचना प्रकाशित मिति (असार ३१) ले १५ दिनभित्र आवेदन पेश गर्न सकिने जनाएको छ ।
नेपाल सरकारबाट मान्यता प्राप्त शैक्षिक संस्थाबाट १२ वा सो सरह उत्तीर्ण गरेको, १८ बर्ष पुरा भई २५ ननाघेको, कम्तिमा ५ फिट २ इन्च उचाई भएको शारीरिक तथा मानसिक कुनै प्रकारको अपाङ्गता नभएको आदि शर्तहरु तोकेर उक्त विज्ञापन खुलाएको हो ।
व्यक्तित्व परीक्षण, लिखित परीक्षा, शारीरिक तथा स्वास्थ्य परीक्षण र अन्तरवार्ता गरी छनौट गरिने निगमले जनाएको छ ।
तोकिएको समयभित्र निगमको वेभसाईट https://vacancy.nepalairlines.com.np/ मार्फत आवेवदन दिन सकिने छ । तोकिएको समयभित्र आवेदन दिन नसकेमा साउन १४ गतेदेखि २१ गतेसम्म दोब्बर दस्तुर तिरेर आवेदन दिन सक्ने निगमले सूचनामा उल्लेख गरेको छ ।