सांसद सुनिल शर्माको सर्टिफिकेट नक्कली, प्रहरीद्धारा पक्राउ
काठमाडौं । सांसद सुनिल शर्माको सर्टिफिकेट नक्कली भएको प्रमाण भेटिएको छ। नेपाल प्रहरीको केन्द्रीय अनुसन्धान ब्युरो (सीआईबी) ले शर्मालाई बिहीबार दिउँसो पक्राउ गरेको हो ।
शर्मालाई प्रहरीले घरबाटै नियन्त्रणमा लिएको बुझिएको छ । मोरङ क्षेत्र नम्बर ३ बाट प्रतिनिधि सभा सदस्यमा निर्वाचित शर्मा मेडिकल व्यवसायी हुन् ।
भारतको एक संस्थाले जारी गरेको प्रवीणता प्रमाणपत्र तहको सर्टिफिकेट नक्कली भेटिएपछि अनुसन्धानका लागि पक्राउ गरिएको प्रहरी स्रोतले जनाएको छ । सोही प्रमाणपत्रका आधारमा उनले एमबीबीएस अध्ययन गरेका हुन् । उनी काठमाडौं मेडिकल कलेज सिनामंगल र विराटनगरस्थित नोबल मेडिकल कलेजका सञ्चालक हुन् ।
