चाँदीको मूल्य बढ्दा सुन स्थिर, कतिमा हुँदैछ आज कारोबार ?
काठमाडौं । साता कारोबारको तेस्रो दिन अर्थात मंगलबार सुनको मूल्यमा स्थिरता आएसँगै चाँदीको मूल्य भने प्रतितोला ५ रुपैयाँले बढेको छ ।
सोमबार प्रतितोला १ लाख ११ हजार ३०० रुपैयाँमा कारोबार भएको छापावाला सुन आज मंगलबार पनि सोही मूल्यमा कारोबार भइरहेको छ । त्यस्तै, आज मंगलबार तेजावी सुन प्रतितोला १ लाख १० हजार ७५० रुपैयाँमा कारोबार भइरहेको छ । अघिल्लो दिनपनि यही मूल्यमा कारोबार भएको थियो ।
नेपाल सुनचाँदी व्यवसायी महासंघका अनुसार आज चाँदी प्रतितोला १ हजार ३८० पैयाँमा कारोबार भइरहेको छ । अघिल्लो दिन प्रतितोला १ हजार ३७५ रुपैयाँमा कारोबार भएको थियो ।
