एनआइबीएल सहभागीता फण्डको नगद लाभांश वितरण
काठमाडौं । एनआइबीएल सहभागीता फण्डले आफ्ना इकाइधनीहरुलाई साउन २२ गतेदेखि बैंक खातामा नगद लाभांश वितरण गर्न थालेको हो ।
फण्डको योजना व्यवस्थापक एनआइएमबीएस क्यापिटलले हालसम्म पनि डिम्याट खाता नवीकरण नगराएका इकाइधनीहरुलाई खाता नवीकरण गर्न आग्रह गरेको छ ।
खाता नवीकरण गरेपछिमात्र लाभांश रकम जम्मा हुने साथै, हालसम्म डिम्याट खाता नखोलेका ग्राहकले खाता खोलेर इकाई डिम्याट गरी लाभांश लिन सकिनेछ । ।
इकाइधनीहरुले आफ्नो डिम्याट खाता खोलेको निक्षेप सदस्यमा गएर इकाई डिम्याट गरी नवीकरण गर्न सकिने फण्डले जनाएको छ । फण्डले आव २०७०।८० को नाफबाट ४ प्रतिशत करसहित नगद लाभांश वितरण गरेको हो ।
