निर्जीवन बीमकको बीमा दावी बक्यौता ३५ अर्ब ७९ करोड, युनाइटेड अजोड र हिमालयन एभरेष्टको सबैभन्दा कम

४ जेष्ठ २०८२, आईतवार १३:३२

काठमाडौं । चालु आर्थिक वर्षको चैत मसान्तसम्मको अवधिमा निर्जीवन बीमा कम्पनीहरुको कुल बक्यौता बीमा दावी रकम ३५ अर्ब ७९ करोेड ४५ लाख रुपैयाँ रहेको छ । कम्पनीहरुले बीमा दावी परेका बीमितहरुले दिनुपर्ने रकम गत आवको तुलनामा सामान्य अंकले बृद्धि भएको छ ।

नेपालमा सञ्चालित रहेका १४ निर्जीवन बीमा कम्पनीहरुको बक्यौता बीमा दावी रकम गत आवको तुलनामा ४१.५४ प्रतिशतले बृद्धि भएको छ । कम्पनीहरुको गत आवको चैत मसान्तसम्मको अवधिमा ३५ अर्ब २८ करोड ८९ लाख रुपैयाँ रहेको थियो ।

समीक्षा अवधिमा सगरमाथा लुम्बिनी इन्स्योरेन्सको बीमा दावी बक्यौता रकम सबैभन्दा बढी रहेको छ । यस अवधिमा कम्पनीको बीमा दावी बक्यौता रकम नौ प्रतिशतले बढेर पाँच अर्ब २० करोड रुपैयाँ रहेको छ । गत आर्थिक वर्षको चैत मसान्तसम्मको अवधिमा कम्पनीको यस्तो रकम चार अर्ब ७३ करोड ८९ लाख रुपैयाँ रहेको थियो ।

त्यस्तै, सिद्धार्थ प्रिमियर इन्स्योरेन्स दोस्रो स्थानमा रहेको छ । कम्पनीको बीमा दावी बक्यौता रकम चार अर्ब ८५ करोड ४० लाख रुपैयाँ रहेको छ । कम्पनीको बीमा दावी बक्यौता रकम ४१ प्रतिशतले बृद्धि भएको छ ।

चालु आर्थिक वर्षको चैत मसान्तसम्मको अवधिमा शिखर इन्स्योरेन्सको तीन अर्ब ३३ करोड २३ लाख रुपैयाँ, सानिमा जिआइसी इन्स्योरेन्सको तीन अर्ब २६ करोड ७८ लाख रुपैयाँ, आइजिआई प्रुडेन्सियल इन्स्योरेन्सको दुई अर्ब ३८ करोड ९३ लाख रुपैयाँ बीमा दावी बक्यौता रकम रहेको छ ।

कम्पनीहरुले प्रकाशित गरेको तेस्रो त्रैमासिक वित्तीय विवरणका आधारमा तयार पारिएको,

समीक्षा अवधिमा नेशनल इन्स्योरेन्सको दुई अर्ब ३६ करोड ७८ लाख रुपैयाँ, एनएलजी इन्स्योरेन्सको दुई अर्ब ३६ करोड ४७ लाख रुपैयाँ, द ओरियण्टल इन्स्योरेन्सको दुई अर्ब ३२ करोड ७४ लाख रुपैयाँ बीमा दावी बक्यौता रहेको छ ।

सरकारी स्वामित्वको राष्ट्रिय बीमा कम्पनीको बीमा दावी बक्यौता रकम दुई अर्ब ३० करोड ४२ लाख रुपैयाँ रहेको छ । त्यस्तै, नेको इन्स्योरेन्सको दुई अर्ब दुई करोड ८५ लाख रुपैयाँ, प्रभु इन्स्योरेन्सको एक अर्ब ४९ करोड ७० लाख रुपैयाँ र नेपाल इन्स्योरेन्सको एक अर्ब ४० करोड ५७ लाख रुपैयाँ बीमा दावी बक्यौता रहेको छ ।

त्यस्तै, हिमालयन एभरेष्ट इन्स्योरेन्स र युनाइटेड अजोड इन्स्योरेन्सको बक्यौता बीमा दावी रकम सबैभन्दा कम रहेको छ । समीक्षा अवधिमा हिमालयन एभरेष्टको एक अर्ब ३९ करोड ६७ लाख रुपैयाँ र युनाइटेड अजोड इन्स्योरेन्सको एक अर्ब पाँच करोड ८ लाख रुपैयाँको बीमा दावी बक्यौता रहेको छ ।

पाठक प्रतिक्रिया :

Your email address will not be published. Required fields are marked *


*