तोलामा ७ सयले सस्तियो सुनको भाउ
काठमाडौं । सोमबार नेपाली बजारमा सुनको भाउ प्रतितोला ७ सय रूपैयाँले घटेको छ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख ९१ हजार १०० रूपैयाँ तोकिएको छ। अघिल्लो दिन सुन प्रतितोला १ लाख ९१ हजार ८०० रूपैयाँका दरले किनबेच भएको थियो।
यता चाँदीको मूल्य भने स्थिर रहेको छ। हिजो चाँदी प्रतितोला २ हजार ५ रूपैयाँमा किनबेच भएकोमा आज पनि सोही मूल्य कायम भएको छ।
