टेक स्टूडियोले ल्यायो एक्यूफिट स्मार्टवाचको हरेक खरिदमा नि:शुल्क मोबाइल फोन पाईने अफर
काठमाडौं । टेक स्टुडियो प्रा. लिले “एक्यूफिट स्मार्टवाचको हरेक खरिदमा नि:शुल्क मोबाइल फोन पाउनुहोस्” भन्ने ट्याग लाइनको साथ आगामी तिहारको लागि विशेष योजना घोषणा गरेको छ।
यस योजनाले प्रत्येक चयनित मोडेल एक्यूफिट स्मार्टवाचको खरिदमा नि:शुल्क मोबाइल फोन प्रदान गर्दछ। चयन गरिएका मोडलहरूमा एक्यूफिट डब्लु १६, एक्यूफिट डब्लु १८ (म्याक्स जीटी) र एक्यूफिट डब्लु २० (कस्मिक प्लस) समावेश छन्, जसको प्रस्ताव मूल्य क्रमशः रु.३,९९९, रु.४,९९९ र रु.६,९९९ तोकिएको छ।
एक्यूफिट डब्लु १६ को खरीद संग, केजीटेल १०५ मोबाइल फोन नि: शुल्क प्रस्ताव गरिएको छ। जहाँ, एक्यूफिट डब्लु १८ (म्याक्स जीटी) को खरिदमा केजीटेल १०६ मोबाइल फोन नि:शुल्क र केजीटेल २४३ मोबाइल फोन एक्यूफिट डब्लु २० (कस्मिक प्लस) को खरिदमा नि:शुल्क उपलब्ध गराइने कम्पनीले जनाएको छ ।
केजीटीईएल १०५, १०६ र २४३ मोबाइलको बजार मूल्य क्रमशः रु.१५००, रु.१,८०० र रु.२,००० तोकिएको छ। यो प्रस्ताव नोभेम्बर १ तारिख २०१३ अर्थात कात्तिक १५ गतेदेखि नोभेम्बर १० तारिख अर्थात कात्तिक २४ गतेसम्म मात्र मान्य हुनेछ।
टेक स्टुडियो प्रा. लि. स्मार्ट घडी, स्मार्ट अडियो, होम थियेटर प्रणाली, व्यक्तिगत अडियो प्रणाली, सामान र जीवनशैली उत्पादनहरू आयात गर्ने प्रख्यात प्राविधिक कम्पनी हो। टेकस्टुडियोले आफ्नो नेपाली ग्राहक आधारलाई जीवनशैली परिवर्तन गर्ने र नवप्रवर्तनलाई प्रेरित गर्ने उत्पादनहरूमा विश्वास गर्छ।
टेक स्टुडियोले रिम्याक्स, हाईफ्युचर, होको, डब्लुआईडब्लुयु र एक्यूफिट जस्ता प्रसिद्ध ब्रान्डका उत्पादनहरू आयात र वितरण गर्दछ। यो कम्पनी नथिङ फोनको राष्ट्रिय वितरकको रूपमा पनि परिचित छ।
