मुक्तिनाथ विकास बैंकको लाजिम्पाट शाखालाई महानगर प्रहरीले गर्यो कारबाही
काठमाडौं । महानगर प्रहरीले सडकपेटी विगार्ने मुक्तिनाथ विकास बैंकको लाजिम्पाट शाखालाई कारबाही गरेको छ । सडकपेटी विगारेको भन्दै शुक्रबार महानगर प्रहरीबलले काठमाडौं महानगरपालिका-२ लाजिम्पाटमा रहेको मुक्तिानाथ विकास बैंकको शाखा कार्यालयलाई दण्ड जरिवाना स्वरुप १० हजार तिराएको छ ।
महानगर प्रहरीले सुरज गौडेलका नाममा रसिद जारी गरेको महानगर प्रहरी बल प्रमुख राजुनाथ पाण्डेले बीमापोष्टलाई बताए । उनका अनुसार आगामी दिनमा त्यस्ता गतिविधि गरे प्रशासनिक दण्ड जरिवानाभन्दा ठूलो कारबाही गरिनेछ ।
