विद्युत प्राधिकरणका चौथो तहका कर्मचारी महतोविरुद्ध भ्रष्टाचार मुद्दा दायर
काठमाडौं । अख्तियार दुरूपयोग अनुसन्धान आयोगले सुनसरी विद्युत प्राधिकरण, इनरुवा वितरण केन्द्रमा कार्यरत चौथो तहका विर्जकुमार महतोविरुद्ध मुद्दा दायर गरेको हो । आज विशेष अदालत काठमाडौंमा भ्रष्टाचार मुद्दा दायर भएको हो ।
अनुसन्धानका क्रममा विद्युतीय लाइन जोडि दिएवाफत सेवाग्राहीबाट घुस लिएको पुष्टि हुन आएकाले महतोविरुद्ध आरोप पत्र दायर गरिएको जनाइएको छ । महतोमाथि २५ हजार रुपैयाँ विगो दावीसहित सजाय माग गरिएको अख्तियारले जनाएको छ ।
