सलिकोको कम्पनी सचिव देवेन्द्र कोइरालाद्धारा राजिनामा

काठमाडौं । सगरमाथा लुम्बिनी इन्स्योरेन्सका कम्पनी सचिव देवेन्द्र कोइरालाले पदबाट राजिनामा दिएका छन् । कोइरालाले दिएको राजिनामा सञ्चालक समितिले स्वीकृत गरिसकेको छ ।

लुम्बिनी जनरल इन्स्योरेन्स कम्पनीमा स्थापनादेखि कार्यरत कोइराला हिजो बुधबारबाट सलिकोबाट विदा भएका हुन् । सलिकोले नयाँ कम्पनी सचिवको रुपमा बरिष्मा साउद आचार्यलाई नियुक्त गरेको छ । नयाँ नियुक्त भएकी बरिष्मा डेपुटी सिईओ हुन् । लामो समय शिखरमा काम गरेर लुम्बिनी जनरल इन्स्योरेन्स कम्पनीमा डेपुटी सिईओको रुपमा प्रवेश गरेकी थिईन् ।

राजिनामा गरेका कोइरालाले यस बिषयमा केही बताउन चाहेनन् । सलिकोका अनुसार काेईरालाले भिआरएस सुविधा अन्तर्गत स्वेच्छिक अवकास रोज्दै राजिनामा गरेको जनाएको छ । यसअघि किरन मुडवरी र नबराज तिमिल्सिना सहितका लुम्बिनी जनरलका बरिष्ठ कर्मचारीहरुले पनि राजिनामा दिइसकेका छन् ।