सिन्धुलीमा स्कारपियो दुर्घटना हुँदा ४ जना घाइते
काठमाडौं । मदन भण्डारी राजमार्गअन्तर्गत सिन्धुलीको कमलामाई नगरपालिका–१४ तल्लो रानीवासमा बिहीबार स्कारपियो दुर्घटना हुँदा ४ जना घाइते भएका छन्।
झापाबाट काठमाडौं आउँदै गरेको बागमती प्रदेश ०१–०२७ च ८७९९ नम्बरको स्कारपियो जीप अनियन्त्रित भएर दुर्घटना भएको प्रहरीले जनाएको छ।
घाइते हुनेमा ताप्लेजुङका २७ वर्षिय वोनश कडेरिया, काठमाडौंका ६५ वर्षिय पूर्णकाजी महर्जन, झापाका ३८ वर्षिय भवानी न्यौपाने र झापाकै ३० वर्षिय मनोजकुमार ताजपुरिया रहेका छन्।
घाइतेमध्ये कडेरिया र महर्जनको जनसेवा अस्पताल बर्दिबासमा, न्यौपाने र ताजपुरियाको आर एण्ड के मेडिकल भिमानमा उपचार भइरहेको प्रहरीले जनाएको छ।
